LIGJERATË PËR TRENDET GLOBALE INOVATIVE ME PETER RIGHI – DREJTOR GLOBAL I CEED PROGRAMËS

Peter është një nga iniciatorët e programit CEED, i cili nga një projekt pilot në Bullgari në 2005, u shëndrua në qendra profesionale sipërmarrëse, të pranishme në njëmbëdhjetë vende të Ballkanit, Europës Lindore dhe Afrikës. Themeluar nga SEAF në vitin 2005, misioni i programit CEED është të zhvillojë dhe të lidhë sipërmarrësit që duan të rriten si udhëheqës, të ndërtojnë kompanitë e tyre dhe, në një mënyrë tjetër, të kenë sukses dhe të kontribojnë në komunitetin e tyre. 


Nga perspektiva e tij personale dhe profesionale,Peter ligjeroi për kalimin e barierave dhe rreziqeve të llogaritura që çdo sipërmarrës përballet në baza ditore. Ai gjithashtu foli për ndikimin që kompanitë startup kanë për punësimin dhe politikat kombëtare të taksimit. Në fund të prezantimit u zhvillua një diskutim dinamik i studentëve dhe përfaqësuesve të startup mbi motivimin, krijimin e ekipeve dhe qasjen në financa, gjë që rezultoi me sugjerime konkrete për ta. 

Ky leksion u mbështet nga Programi i Folësve të Ambasadës Amerikane në Shkup.


Qendra për zhvillimin e biznesit (QZHB) luan rolin e ndërmjetësuesit të biznesit me Universitetin e Evropës Juglindore. Kjo qendër ofron trajnime menaxhuese dhe konsultime biznesi për individë, ndërmarrje dhe institucione tjera publike dhe private duke inkuadruar teknologji të informatikës dhe komunikimit.

Na Kontaktoni

T +389 44 356 251
E-mail: seeu-bdc@seeu.edu.mk

Adresa
Ilindenska 335, 1200 Tetovë Maqedoni

© Business Development Centre 2017